إيه أهم من تعليمك وفلوسك؟

"جيري وايت" وده كان طالب في Brown university سنة 1984 لما نجح الجامعة بعتته هو واتنين صحابه ف رحلة لهضبة الجولان يعملوا فيها Camp وينبسطوا شوية وكدة، المهم هو كان بيحب يكون قائد وكدة فلما طلع هو وصحابه الهضبة، وكان هو اللى ماشي قدام، وفجأة!! صوت انفجار كبير طالع من لغم داس عليه، مفقش غير في المستشفى ولقى نفسه برجل واحدة! قعد شهرين في المستشفى، وكل اللى حواليه من المرضى اللى ملوش عين، اللى ملوش رجلين وايدين، وهكذا.. سنة 1995 واحد صاحب جيري اسمه Ruther ford وده كان فقد رجليه الاتنين في نفس الحادثة، عملوا حملة عالمية لتجريم وضع الألغام في أى مكان في الدنيا، وأخدوا جائزة نوبل للسلام سنة 1997..

علماء النفس بيقولوا إننا بعد كل حادث كبير في حياتنا إما نكون ضحايا، ونعيش الدور ده كويس، أو إننا نقدر نتعامل مع الضط النفسي ده، ويبقى عندنا حاجة اسمها "Resilience"، والمقصود بيه "إنك تقدر تتكيف مع الظروف الصعبة سواء كانت حوادث أو فقدان شخص عزيز أو أى مصدر للضغط النفسي عامة"..

الشخص اللى عنده الموضوع ده مش شخص قوي أوي كدة، بس هو عامل زي الحاجة اللى ممكن تنحني بس متتكسرش، ينحني ويرجع تاني لطبيعته.. مشكلة الضغط النفسي، انه ممكن يدمر حياتك حرفيا ويدخلك في أمراض مزمنة كمان، ممكن يخليك تدخن، وممكن يخليك تدخل في سكة مخدرات..

سنة 2002 عميد جامعة "Harvard" في أحد مقالاته قال:

"More than education, more than experience, more than training, a person level of resilience will determine who succeeds and who fails..that's true in the cancer ward, it's true in the Olympics, and it's true in the board room"..

طب سواء الشخص هيقف قدام الظروف والأحداث الصعبة أو هيقرر يستسلم قدام الاكتئاب والصدمة ده بيكون بناءا على ايه؟ علماء النفس قالوا ان القدرة على التكيف دي في منها : 1. جزء معتمد عالمواقف والخبرات اللي بتكتسبها. 2. جزء كبير أوي له علاقة أساسا بالجينات، والوراثة والبيئة المحيطة، يعني لو بابا وماما كدة أنا هبقى كدة.

وعلى الرغم ان دي أمور مش متغيرة، بس أنا أقدر أزود قدرتي على التكيف بشوية حاجات كدة منهم:

1. الضغط العصبي "Stress": على فكرة هو مش علطول مؤذي ده ساعات بيخليك تنجز، بس لو مش عارف تتعامل معاه هيتعبك كتير جدا، مفروض منتجنبش الصغط ده، لأنه هيحصل غصب عننا، لكن المفروض نتعلم إزاى نواجه ده كويس..

- في كتاب حلو جدا ممكن نقراه إسمه:

The science of mastering life's greatest challenge

2. المشاعر يا جماعة.. المشاعر السلبية اللى بتتبقى بعد كل خسارة للأسف دي بتفضل معانا وبتضايقنا كل ما نفتكر.. العلماء بيقولوا أنك ممكن تنظم مشاعرك عشان المشكلة مش في المشاعر بقدر ماهي في إدركنا ليها.. فقالوا إن في حاجة اسمها Cognitive re-appraisal يعني مثلا لو اترفضت في شغلانة فبدل ما تقعد تلعن الدنيا وما عليها، ممكن نقول ياااه ده نصيب أكيد ربنا كاتب حاجة أحسن، أكيد هروح مكان بمرتب أكبر. فالمقصود هو "إعادة إدراك المشاعر" ولقوا إن ده بيحسن ال prefrontal cortex اللي مسؤولة عن التفكير في مخنا، كمان ممكن نسأل نفسنا بعد كل مشاعر بنتلقاها... - هو أنا ببالغ؟ وبزود الحوار ده؟ - ممكن أعمل حاجة أتعلم بيها من الموقف ده عشان مغلطش تاني المرة الجاية؟ - ممكن أكون أفضل؟

3. الصلاة.. الروحانيات مهمة جدا في المواقف دي، فالشخص اللي بيحارب لوحده مش زي الشخص اللى بيحارب وحاسس إن الكون مسخر ليه وهو كذلك بالفعل، فالروحانيات دي بستاعدنا نتعافى أسرع من أى مشكلة، وتخلينا نتحكم في مشاعرنا أكتر...

4. نص الكوباية المليان.. المشاعر الإيجابية دايما بتفيدنا في التعافي، وإننا نبص عاللى في إيدنا، ونحمد ربنا عليه.. في دراسة سنة 2001 اتعملت على 180 راهبة كانوا رايحين الكنيسة عشان يقعدوا فيها، الدراسة بصت على صور ال 180 راهبة لقوا ان 34 % من الراهبات دول عاشوا لحد سن 85 سنة, مقارنة بالنسبة البافية اللى عاشوا سن أقل بكتير عشان التانيين كان دايما عندهم تفاؤل وكانت صورهم فيها ابتسامة دايما.. في مقالة في مجلة Scientific American في عدد فبراير 2013 اسمها "The Essence of optimism" ممكن نقراها هتفيدنا جدااا..

5. ال Work out النشاط البدني سواء جرى أو أي رياضة ده بيساعدنا عشان في دراسة اتعملت في جامعة كارولين، لمدة 6 اسابيع من النشاط البدني لقوا أن مشاعر القلق والخوف والاكتئاب كل دي بتختفي تدريجيا.. لأن النشاط البدني ده بيساعدنا في تركيب ناقلات عصبية اكتر وبيصلحلنا الأعصاب اللى حصلها أى مشكلة بسبب ال Stress وفي دراسة سنة 2011 في جامعة Illinois لقوا إن ممارسة الرياضة 3 مرات اسبوعيا، بتزود مساحة الجزء المسؤول عن الذاكرة بنسبة 2% في السنة..

6. الصديق وقت الشدة.. الدعم النفسي من صحابك وقرايبك والمقربين ليك، واحد من الأسباب اللى ممكن تخليك تتعافى من أي صعوبات.. - بس نحاول نقيم علاقاتنا عشان مش كل الناس سواسية، في ناس بنحكيلها وناس لأ معروفة يعني... - قسم الناس فئات، وشوف مين هتروحله بدون تردد ومين لأ مش هنروحله دلوقتي..

دي كانت شوية نقط ممكن نطبقهم لما نقع في Stress أو مشكلة ممكن نقف عندها شوية خلاصتهم، إن زي ما قالRobert schuller:

"Tough days don't last, tough people DO !"

فكل شئ وحش هيعدي، المهم منتوقفش، عشان العالم مش هيقف، مش هيستناك!