10 نصائح ممكن يغيروا حياتك

لو عندك نصيحة واحدة تديهالى ممكن تنصحني بإيه؟ الفترة اللى فاتت قعدت مع شخصيات منهم اللى بقعد معاه يوميا، واللى بشوفه كل فين وفين، وسألتهم السؤال ده وده ملخص حاجات كتير قالوها:

1. العلاقات مع الناس حاجة متغيرة: بتعلى وتزيد، تحب وتكره، اللى بتتعامل معاه النهاردة هتبعد عنه، لازم تتقبل التغير ده وازعل شوية بس متخليش ده يبقى محور حياتك..

2. متاخدش الناس For granted: متعتبرش انك مهما بعدت ومش بتسأل، أو أنك مطنش على أمل إنهم بيحبوك وإشطة ومهما بعدت ورجعت هتلاقي نفس المعاملةأ معلش هما مش هيستنوك كتيرأ لازم تدي قبل ما تاخد.

3. الماضي: لازم تتعلم إزاى تتعامل معاهأ وإلا هتفضل Obsessed بيهأ ومش هتعرف تتحرك في حياتكأ اتعلم تنساه، واتعود على تقبل إن ده ماضي وعدى ومينفعش يأثرعلى حياتك بعدين..

4. أنت مسؤول عن كل شئ في حياتك. تعليمك، معاملات الناس ليك، صحتك، أكلك وشربك، مترميش كل حاجة عالناس وعالظروف واللى مفروض أهلك يعملوه، أو إن الكلية وحشة والتعليم بايظ، لو معلمتش نفسك مش هتتعلم، ولو معرفتش تجيب فلوس مش هتاكل ولا تشرب.. فانت المسؤول ومتلومش حد.

5. اسمع كويس قبل ما تتكلم: الموضوع سخيف جدا لما تقول أي كلام، أو تقاطع حد بيتكلم، أنت كلامك مهم، وهو شايف كلامه مهم، فاسمع كويس، الناس بتحب اللى بيسمعلهم أوي يعني..

6. الصحة أولا: متتدخلش في مناهدات وصراعات، وكلام ملوش لازمة، صحتك مهمة جدا لأن ده اللي هيمشيك في حياتك، دي أداتك، العب رياضة، اشترك في جيم، اتمشى ولا اجري شوية، صحتك أهم حاجة في حياتك تقريبا..

7. الوقت أثمن ما عنيت بحفظه: وقتك غالي جداااا، ومش هتحس بده غير وأنت بتكبر، فاتعلم أزاى تنظم وقتك كويس جدا، ومتسمحش لحد مهما كان أنه يكون سبب في تضييع وقتك وبعدك عن هدفك، واشغل وقتك بحاجات مفيدة ..

8. اتعلم ازاى تسامح، إزاى معرفش! بس الناس اللى بتشيل كتير هما اللى بيتعبوا غالبا، سلّم أمرك لله، وهو هيدبرها، لكن متشيلش في نفسك كتير وارمي كل ده..

9. سافر: كل ما تجيلك فرصة سفر متفوتهاش، السفر في سن صغير ده شئ مهم جدا، اعمل باسبور وخليه جاهز وشيل قرشين على جنب ولما تيجي فرصة اتشعبط فيها، لاااااازم تسافر..

10. الراجل بيعيط عادي! لما يتطلب الأمر العياط عيط ولما يتطلب الضحك اضحك، متعملش Mask face كدة، وعبر عن مشاعرك بحرية عادي مفهاش حاجة يعني، احنا مش ألات بنتعامل مع بعض، ومش هيقلل منك حاجة، كتمان المشاعر هو الأسوأ عامة..

ده كان ملخص من حوالى 30 حاجة بس دول كانوا أكتر حاجات أثرت معايا، ممكن حاجات تلمس مع حد تاني، بس اللى طلعت منه إن الناس اللى بتتعامل معاها ده مصدر حلو جدا لازم تسألهم نفس السؤال.. لوعندك نصيحة واحدة تديهالى ممكن تكون إيه؟