Why Apple?

في واحدة من أشهر ال TED talks اللي كان بيتكلم فيها "Simon Sinek" عن فكرة ليه بعض المؤسسات، الشركات، الأشخاص (وهما نسبة قليلة جدا) هما اللى بيقودوا التغيير، أو بيستحوزوا على أعلى نسب مبيعات في السوق، أو هما بيكونوا القادة في أي مجال على الرغم من أن في ناس كتير بتعمل نفس اللي بيعملوه..

بس الفكرة مش كدة مش فكرة أنت بتعمل إيه، Simon Sineck في كتابه "Start with why" اتكلم عن مفهوم ال "Golden Circle"..

-وقال إن النسبة الكُبرى في العالم "عارفين هما بيعملوا إيه (الخدمة أو المنتج أو النشاط اللي بيعملوه) وده اللي اسمه ال What..

- بعض بقة من الناس دي عارفين كويس "أزاى بيعملوا ده" إيه اللى بيميزهم وإيه بيخليهم أحسن من غيرهم في المنتج ده مثلا أو أيا كان بيعملوا إيه وده اللي اسمه ال How..

- قليل جدا بقة اللي يعرف "هو بيعمل ده ليه أصلا"، مش فكرةغرضه إيه، يعني ممكن يكون عايز الفلوس مثلا لكن ده "غرض"، لكن هو يقصد هدفك كمؤسسة أنت اتعملت ليه، أنت بتؤمن بإيه، إيه فعلا السبب الرئيسي لوجودك.. وده اللي اسمه ال Why..

وعرض بعض الأمثلة للشركات زي Apple مثلا، وقال إن عشان تدخل السوق في حاجة اسمها " Low of diffusion of Innovation"

واللي بتقول:

1. إن في أي مجتمع في 2.5% هما ال Innovators أو اللي بيطلعوا أفكار جديدة.

2. 13.5% هما ال "Early adapters" ودول أول ناس بتشتري الحاجة، دول الناس اللي بياخدوا ال Risk ويجربوا، دول الناس اللي بيقفوا طوابير عشان يشتروا موبايل أبل مثلا..

3. 34% دول ال "Early majority" أو الناس اللى شافت غيرها جرب فبدأو يتشجعوا وياخدوا الخطوة.

4. 34% ال "Late majority" ودول بيتحركوا متاخر جدا لما يكون أكتر من 50% من الناس معاهم المنتج ده.

5. 16% ال "Laggers" ودول مثلا الناس اللي مش هتشتري موبايل تاتش إلا لو كل الموبايلات في العالم بقت تاتش ومفيش زراير تاني..

فعشان تنتقل من مرحلة ال Early adapters ال 13.5% والناس اللي بتؤمن بفكرتك، لمرحلة الناس ال Early majority اللي هما 34% هتمر بنقطة بيسموها ال Tipping point وفيها لو فكرتك أو منتجك مقدرش يقنع ال Early adapters والناس اللى بتشتري حاجتك أول ما بتنزل ساعتها منتجك أو فكرتك دي مش هتقنع بالتالي باقي الناس!

وعشان تتخطى ال "Tipping point" دي ، لازم تكون عارف ال "Why" كويس، ده اللي هيتخليهم يؤمنوا بيك ويحسوا بفكرتك، الناس مش بتشتري فكرتك، مش بتشتري منتجك، الناس بتشتري "السبب" أنت عامله ليه، بتؤمن بإيه وأنت بتعمل ده..

الفكرة دي مفيدة لأي حد بيعمل أي منتج، خدمة، نشاط، شغل، فكّر في ال Golden circle من جوة لبرة، اعرف ال Why كويس، معتقداتك وهدفك، بعدين اعرف هتعمل ده ازاي How هتلاقي ال What بتاعتك طلعت بأحسن شكل..

استعن بالله ولا تعجز.. References 1. https://www.goodreads.com/book/show/7108725-start-with-why 2. https://www.youtube.com/watch?v=IPYeCltXpxw