أوضاع جسمنا لمختلف الأنشطة

في ناس كتير الواحد منهم يبدأ قعدته على الكمبيوتر وهو مظبوط كدة، بعدين يبص يلاقي نفسه بيتزحلق ويبقى ظهره برة الكرسة أصلا! وده للأسف بيكون على المدى الطويل الحركات المكررة دي كل يوم لفترات طويلة بتأثر على العمود الفقري وصحتنا بشكل عام..

فبمُناسبة الدراسة اللي بدأت والناس اللى بتقعد فترات طويلة في المذاكرة، والشغل، ووجع الرقبة وفقراتها، في فرع صغير كدة في العلوم الطبية ضمن ال Occupational medicine اسمه ال "Ergonomics"، وهو أصلا اتعمل للعمال والموظفين عشان يطلع منهم أفضل إنتاج من غير ما يأثر على صحتهم فكان مهتم جدا بتصميم الألات أحسن تصميم يريحك، وهو داخل في جميع الصناعات حاليا، يعني ليه تصميم الكيبورد كدة مثلا؟، ليه بنحط حاجة تحت ايدنا واحنا ماسكين الماوس؟ كمان بيقولك بإزاى تقعد قدام الكمبيوتر مثلا، ازاى تشيل حاجة من عالأرض، ازاى تنام كويس وأفضل الأوضاع، بل إزاى تقعد كويس وأنت بتعمل حمام، أه والله!

كل اللى عليك إنك تفتح صور جوجل وتسيرش بأي حاجة انت عايزها وتحط جنبها كلمة Ergonomics، يعني مثلا اكتب Sleep ergonomics أو Study Ergonomics، وهكذا.. هتطلعلك ألاف الصور اللى بتشرحلك كل حاجة ممكن تعملها صح ازاى، من القعدة لازاى تكتب، لازاى تبص على الشاشة وزاويتها، احسن وضع للظهر وهكذا.. كل حاجة تقريبا موجودة ودي بعض الصور كأمثلة..